Knowledge

ငွေတိုးချေးစားသူများ …သိထားသင့်သော အကြောင်းအကျိုးနှင့် ကြောက်စရာကောင်းပုံ

ငွေတိုးချေးစားသူများ …သိထားသင့်သော အကြောင်းအကျိုးနှင့် ကြောက်စရာကောင်းပုံ

တစ်ခါက ရေးခဲ့ဖူးပါတယ်။ ငွေကြေး အခက်အခဲတွေနဲ့ပတ်သက်ပြီးတော့ လူတွေမှာ ငွေနောက်လိုက်ရင်း “ငွေတိုး”ချေးစားမိရာကနေ ဘဝမှာ တခဏခြင်း ကြီးပွားချမ်းသာလာတတ်ကြပါတယ်။

အများစု အမြင်မှာကတော့ ကိုယ့်ရှိလို့ ကိုယ်ချေးစားတာရယ်… တစ်ဖက်သောသူက ကျေကျေနပ်နပ်နဲ့ အတိုးပေးတာတွေကြောင့် မိမိကိုယ်ကို အမှန်လို့ ယူဆနေကြသလို ရရှိလာမဲ့ အမြတ်အစွန်းဟာ မက်မောလောက်တာမို့ ပိုက်ဆံချမ်းသာသူ အများစုဟာ ငွေတိုးများ ချေးစားကြပါတော့တယ်။

ဒါဆိုရင် လေ့လာဖို့လာတာက ဗေဒင်ပညာကို လေ့လာသူတွေရော စိတ်ဝင်စားသူတွေ ပညာရှင်တွေမှာ တာဝန်ရှိပါတယ်။

ဘာ့ကြောင့် တာဝန်ရှိပါသလဲလို့ ပြောရရင် မိမိတို့နေထိုင်ရာ ပတ်ဝန်းကျင် မိမိတို့ရဲ့ထမင်းရှင်များ မှန်ကန်နေသလား မှားယွင်းနေသလား ဆိုတာ သိရှိဖို့ လိုအပ်သလို အကယ်၍ မှားယွင်းနေပါက ထောက်ပြဖို့ရာ တာဝန်ရှိပါတယ်။

နောက်တစ်ခုက ပြည်သူတွေအနေနဲ့လည်း အကယ်၍ မိမိတို့ မှားယွင်းနေပါက တဖြေးဖြေခြင်း ပြုပြင်ကြဖို့ တိုက်တွန်း ပါတယ်။

ကျွနု်ပ် လေ့လာသိရှိရသလောက်ရော လက်တွေ့ဘဝတွေမှာ ငွေတိုးချေးစားသူတွေဟာ နှစ်အနည်းငယ်အတွင်း သိသိသာသာ ချမ်းသာလာကြပေမဲ့

၈နှစ် ၁၆နှစ်ခန့် ကြာတဲ့အခါမှာ ကုန်းကောက်စရာမရှိအောင် အခွံပဲ ကျန်နေခဲ့ရတဲ့သူတွေ ဟန်ဆောင်နေကြရတဲ့သူတွေ တကယ့်ကို အများကြီးပါ။

တချို့ သိပ်ထူးဆန်းတယ်။ အိမ်ထဲမှာ ရောဂါရနေတဲ့သူတွေ တန်းစီနေတာပဲ။ ဖြစ်လိုက်ရင် ငွေကြေးအများအပြားကုန်တဲ့ ရောဂါကြီးတွေပဲ ဖြစ်လေ့ရှိတယ်။

တချို့သားကွဲမယားကွဲ ကိုယ့်ထူးကိုယ်ချွန် လုပ်စားရတယ်။ ကျန်းမားရေးမကောင်းလို့ ဆေးတိုက်မဲ့သူ မရှိ ဖြစ်ကြရတယ်။တချို့ အမှုအခင်းတွေဖြစ် အများအပြားကုန်ဆုံးကြရတယ်။

တချို့ သားသမီးတွေက ထင်သလို သုံးဖြုန်း ရိုက်မှုတွေဖြစ် လျော်ကြရတယ်။ တချို့ အငယ်အနှောင်းထား ရှိသမျှ အကုန်ပြောင် ဖြစ်ကြရတယ်။

တချို့အရမ်းချမ်းသာတယ်နော်… ဒါပေမဲ့ အမွေခွဲလိုက်တဲ့အခါ ဘယ်ကနေဘယ်လိုကုန်သွားမှန်းမသိ တိုက်တွေ ၄လုံး၅လုံး ဘယ်သူမှ ထိထိမိမိ မရဘူး အဲ့ဒီလို ဖြစ်သွားကြတယ်။

ဒါတွေဟာ ခြောက်လှန့်ပြောနေတာ လုံးဝ မဟုတ်ရပါဘူး။ တကယ့်လက်တွေ့ဘဝတွေကို လိုက်လံမေးမြန်း သုံးသပ်ပြီးမှ ပြောခြင်း ဖြစ်ပါတယ်။

ဘာ့ကြောင့် ဒီလို တွေဖြစ်ရတာလဲ
ငွေတိုးချေးစားပြီး အဆင်ပြေနေတဲ့သူတွေရော မရှိဘူးလားဆိုတာ မေးစရာ ဖြစ်လာတယ်။ ရှိပါတယ်။ တော်တော့်ကို ကံကောင်းလွန်းမှ လွတ်ပါ လိမ့်မယ်။

များသောအားဖြင့် အခုတင်ပြခဲ့သလိုတွေ ဖြစ်လေ့ဖြစ်ထ ရှိပါတယ်။ သေချာတွေးကြည့်ပါ ။ ငွေတိုးချေးထားပြီဆိုကတည်းက ဘယ်သူ့ဆီကနေ ဘယ်လောက်အတိုးရမှာ နေ့စဉ် တွက်နေတော့တာပါပဲ။ ဒါဟာ ကြီးမားများပြားတဲ့ အကုသိုလ် စိတ်ပဲ ဖြစ်ပါတယ်။

တစ်ခါက အာယုဗ္ဗေဒဆေးဆရာကြီးတစ်ဦးနဲ့ တွေ့ဖူးတယ်။ သူက ပြောတယ်။ “သာမန်လူတွေ သွေးတိုးရောဖြစ်ရင် ၇ရက်နဲ့ ပျောက်တယ်။ ငွေတိုးချေးစားသူ သွေးတိုးဖြစ်ရင် ၃လတောင် မနဲကုရတယ်”တဲ့။

ပြောချင်တာက လူရဲ့စိတ်မှာ လောစိတ်တွေ စီးဆင်းမှု များလေလေ ရောဂါဖြစ်လွယ်ကူလေလေလို့ ပြောလို့ရသလို မကောင်းသော ကံကြမ္မာဆိုးတွေကို လက်ယက် ခေါ်သလို ဖြစ်နေတတ်တာပါပဲ။

ဇွတ်အတင်းယုံပါလို့ မပြောပါဘူး။ သင့်ပတ်ဝန်းကျင်က ဘယ်သူတွေ ငွေတိုးချေးစားခဲ့ဖူးလဲဆိုတာ လက်တွေ့ကျကျ လေ့လာပါ။ ဟုတ်မှန်မှသာ လက်ခံပါ။

ဟုတ်ပီ။ အကယ်၍ ငွေမဖြစ်မနေ ချေးရတော့မယ် ဆိုပါစို့။ ဘယ်လိုမျိုး လုပ်ရမလဲ သမ္မာအာဇီဝကျကျ ငွေချေးလို့ ရမလဲဆိုတာ သိဖို့ လိုလာပြီ။ အကယ်၍ ဖြစ်နိုင်ရင် အသေးစား ငွေချေးလုပ်ငန်းလိုင်စင် လုပ်ပါ။

နိုင်ငံတော်က သတ်မှတ်ထားတဲ့ အတိုးနှုန်းထားအတိုင်း အတိအကျ ယူပါ ။ တစ်ပြားမှ ပို မယူပါနဲ့။ တကယ်လို့ ငွေချေးလိုင်စင် မရှိဘူးဆိုပါက နိုင်ငံတော်က ချမှတ်ထားတဲ့ အတိုးနှုန်းကို လေ့လာပါ။ အဲ့ဒီနှုန်းအတိုင်း ယူပါ။ ၂ကျပ်တိုးခန့်ပါပဲ။

ဖြစ်နိုင်ရင်တော့ တဖြေးဖြေး တခြားလုပ်ငန်း(သမ္မာအာဇီဝါကျ)ကို ပြောင်းလဲ လုပ်ကိုင်ပါ။ ဘာ့ကြောင့် အခုလို ပြောရတာလဲဆိုရင် တချို့တချို့သော ငွေတိုးချေးစားခဲ့ဖူးသူတွေ ယတြာချေတဲ့အခါ ယတြာအများစု မထိရောက်တာကို တွေ့နေရလို့ ပါပဲ။

ဒီတော့ လက်ရှိ ဘဝရော နှောင်သံသရာ အတွက်ပါ ကောင်းဖို့ဆန္ဒ ရှိတယ်ဆိုရင် မိမိနဲ့ မိမိပတ်ဝန်းကျင်ကို တတ်နိုင်သလောက် ပြုပြင်ပေးကြပါလို့ မေတ္တာရပ်ခံအပ်ပါသည်။ဆရာမိုင်း။

Credit-မူရင်းရေးသားသူကို

Zawgyl ဖြင့်ဖတ်ပါ

ငွေတိုးချေးစားသူများ …သိထားသင့်သော အကြောင်းအကျိုးနှင့် ကြောက်စရာကောင်းပုံ

တစ်ခါက ရေးခဲ့ဖူးပါတယ်။ ငွေကြေး အခက်အခဲတွေနဲ့ပတ်သက်ပြီးတော့ လူတွေမှာ ငွေနောက်လိုက်ရင်း “ငွေတိုး”ချေးစားမိရာကနေ ဘဝမှာ တခဏခြင်း ကြီးပွားချမ်းသာလာတတ်ကြပါတယ်။

အများစု အမြင်မှာကတော့ ကိုယ့်ရှိလို့ ကိုယ်ချေးစားတာရယ်… တစ်ဖက်သောသူက ကျေကျေနပ်နပ်နဲ့ အတိုးပေးတာတွေကြောင့် မိမိကိုယ်ကို အမှန်လို့ ယူဆနေကြသလို ရရှိလာမဲ့ အမြတ်အစွန်းဟာ မက်မောလောက်တာမို့ ပိုက်ဆံချမ်းသာသူ အများစုဟာ ငွေတိုးများ ချေးစားကြပါတော့တယ်။

ဒါဆိုရင် လေ့လာဖို့လာတာက ဗေဒင်ပညာကို လေ့လာသူတွေရော စိတ်ဝင်စားသူတွေ ပညာရှင်တွေမှာ တာဝန်ရှိပါတယ်။

ဘာ့ကြောင့် တာဝန်ရှိပါသလဲလို့ ပြောရရင် မိမိတို့နေထိုင်ရာ ပတ်ဝန်းကျင် မိမိတို့ရဲ့ထမင်းရှင်များ မှန်ကန်နေသလား မှားယွင်းနေသလား ဆိုတာ သိရှိဖို့ လိုအပ်သလို အကယ်၍ မှားယွင်းနေပါက ထောက်ပြဖို့ရာ တာဝန်ရှိပါတယ်။

နောက်တစ်ခုက ပြည်သူတွေအနေနဲ့လည်း အကယ်၍ မိမိတို့ မှားယွင်းနေပါက တဖြေးဖြေခြင်း ပြုပြင်ကြဖို့ တိုက်တွန်း ပါတယ်။

ကျွနု်ပ် လေ့လာသိရှိရသလောက်ရော လက်တွေ့ဘဝတွေမှာ ငွေတိုးချေးစားသူတွေဟာ နှစ်အနည်းငယ်အတွင်း သိသိသာသာ ချမ်းသာလာကြပေမဲ့

၈နှစ် ၁၆နှစ်ခန့် ကြာတဲ့အခါမှာ ကုန်းကောက်စရာမရှိအောင် အခွံပဲ ကျန်နေခဲ့ရတဲ့သူတွေ ဟန်ဆောင်နေကြရတဲ့သူတွေ တကယ့်ကို အများကြီးပါ။

တချို့ သိပ်ထူးဆန်းတယ်။ အိမ်ထဲမှာ ရောဂါရနေတဲ့သူတွေ တန်းစီနေတာပဲ။ ဖြစ်လိုက်ရင် ငွေကြေးအများအပြားကုန်တဲ့ ရောဂါကြီးတွေပဲ ဖြစ်လေ့ရှိတယ်။

တချို့သားကွဲမယားကွဲ ကိုယ့်ထူးကိုယ်ချွန် လုပ်စားရတယ်။ ကျန်းမားရေးမကောင်းလို့ ဆေးတိုက်မဲ့သူ မရှိ ဖြစ်ကြရတယ်။တချို့ အမှုအခင်းတွေဖြစ် အများအပြားကုန်ဆုံးကြရတယ်။

တချို့ သားသမီးတွေက ထင်သလို သုံးဖြုန်း ရိုက်မှုတွေဖြစ် လျော်ကြရတယ်။ တချို့ အငယ်အနှောင်းထား ရှိသမျှ အကုန်ပြောင် ဖြစ်ကြရတယ်။

တချို့အရမ်းချမ်းသာတယ်နော်… ဒါပေမဲ့ အမွေခွဲလိုက်တဲ့အခါ ဘယ်ကနေဘယ်လိုကုန်သွားမှန်းမသိ တိုက်တွေ ၄လုံး၅လုံး ဘယ်သူမှ ထိထိမိမိ မရဘူး အဲ့ဒီလို ဖြစ်သွားကြတယ်။

ဒါတွေဟာ ခြောက်လှန့်ပြောနေတာ လုံးဝ မဟုတ်ရပါဘူး။ တကယ့်လက်တွေ့ဘဝတွေကို လိုက်လံမေးမြန်း သုံးသပ်ပြီးမှ ပြောခြင်း ဖြစ်ပါတယ်။

ဘာ့ကြောင့် ဒီလို တွေဖြစ်ရတာလဲ
ငွေတိုးချေးစားပြီး အဆင်ပြေနေတဲ့သူတွေရော မရှိဘူးလားဆိုတာ မေးစရာ ဖြစ်လာတယ်။ ရှိပါတယ်။ တော်တော့်ကို ကံကောင်းလွန်းမှ လွတ်ပါ လိမ့်မယ်။

များသောအားဖြင့် အခုတင်ပြခဲ့သလိုတွေ ဖြစ်လေ့ဖြစ်ထ ရှိပါတယ်။ သေချာတွေးကြည့်ပါ ။ ငွေတိုးချေးထားပြီဆိုကတည်းက ဘယ်သူ့ဆီကနေ ဘယ်လောက်အတိုးရမှာ နေ့စဉ် တွက်နေတော့တာပါပဲ။ ဒါဟာ ကြီးမားများပြားတဲ့ အကုသိုလ် စိတ်ပဲ ဖြစ်ပါတယ်။

တစ်ခါက အာယုဗ္ဗေဒဆေးဆရာကြီးတစ်ဦးနဲ့ တွေ့ဖူးတယ်။ သူက ပြောတယ်။ “သာမန်လူတွေ သွေးတိုးရောဖြစ်ရင် ၇ရက်နဲ့ ပျောက်တယ်။ ငွေတိုးချေးစားသူ သွေးတိုးဖြစ်ရင် ၃လတောင် မနဲကုရတယ်”တဲ့။

ပြောချင်တာက လူရဲ့စိတ်မှာ လောစိတ်တွေ စီးဆင်းမှု များလေလေ ရောဂါဖြစ်လွယ်ကူလေလေလို့ ပြောလို့ရသလို မကောင်းသော ကံကြမ္မာဆိုးတွေကို လက်ယက် ခေါ်သလို ဖြစ်နေတတ်တာပါပဲ။

ဇွတ်အတင်းယုံပါလို့ မပြောပါဘူး။ သင့်ပတ်ဝန်းကျင်က ဘယ်သူတွေ ငွေတိုးချေးစားခဲ့ဖူးလဲဆိုတာ လက်တွေ့ကျကျ လေ့လာပါ။ ဟုတ်မှန်မှသာ လက်ခံပါ။

ဟုတ်ပီ။ အကယ်၍ ငွေမဖြစ်မနေ ချေးရတော့မယ် ဆိုပါစို့။ ဘယ်လိုမျိုး လုပ်ရမလဲ သမ္မာအာဇီဝကျကျ ငွေချေးလို့ ရမလဲဆိုတာ သိဖို့ လိုလာပြီ။ အကယ်၍ ဖြစ်နိုင်ရင် အသေးစား ငွေချေးလုပ်ငန်းလိုင်စင် လုပ်ပါ။

နိုင်ငံတော်က သတ်မှတ်ထားတဲ့ အတိုးနှုန်းထားအတိုင်း အတိအကျ ယူပါ ။ တစ်ပြားမှ ပို မယူပါနဲ့။ တကယ်လို့ ငွေချေးလိုင်စင် မရှိဘူးဆိုပါက နိုင်ငံတော်က ချမှတ်ထားတဲ့ အတိုးနှုန်းကို လေ့လာပါ။ အဲ့ဒီနှုန်းအတိုင်း ယူပါ။ ၂ကျပ်တိုးခန့်ပါပဲ။

ဖြစ်နိုင်ရင်တော့ တဖြေးဖြေး တခြားလုပ်ငန်း(သမ္မာအာဇီဝါကျ)ကို ပြောင်းလဲ လုပ်ကိုင်ပါ။ ဘာ့ကြောင့် အခုလို ပြောရတာလဲဆိုရင် တချို့တချို့သော ငွေတိုးချေးစားခဲ့ဖူးသူတွေ ယတြာချေတဲ့အခါ ယတြာအများစု မထိရောက်တာကို တွေ့နေရလို့ ပါပဲ။

ဒီတော့ လက်ရှိ ဘဝရော နှောင်သံသရာ အတွက်ပါ ကောင်းဖို့ဆန္ဒ ရှိတယ်ဆိုရင် မိမိနဲ့ မိမိပတ်ဝန်းကျင်ကို တတ်နိုင်သလောက် ပြုပြင်ပေးကြပါလို့ မေတ္တာရပ်ခံအပ်ပါသည်။ဆရာမိုင်း။

Credit-မူရင်းရေးသားသူကို