ကိုယ့် အိမ်ထောင်ရှိ လျက် ဖော က်ပြန် တာ တ ဏှာကြီးပြီး ဉာဏ်ရည်နိ မ့်လို့ ပါ…
ကို ယ့်အိမ်ထောင်ရှိလျက်နဲ့ ဖောက်ပြန်ကြတဲ့သူတွေက တဏှာကြီးသူတွေ၊ လိင်စိတ်ပြင်းထန်တဲ့မတင်းတိမ်နိုင်သူတွေပါ။သူတို့ရဲ့တဏှာစိတ်ကြောင့် မိသားစုအပေါ်ရက်ရက်စက်စက် ပြုရက်တာ။သိက္ခာမရှိ သမာဓိမရှိ ကိုယ်ကျင့်တရားမထိန်းနိုင်ပဲ ဖောက်ပြန်တာပါ။အဲဒီလို ဖောက်ပြန်တဲ့သူတွေက တဏှာကြီးမှာ ချစ်ခြင်း မပါဝင်ပါဘူး။
အိမ်ထောင်ရေး စိတ်ပညာရှင်တစ်ဦးဖြစ်တဲ့ ဇစ်ခ်ရူဘင်ရဲ့ သုတေနမှာ အချစ်နဲ့ တဏှာဟာ မတူညီမှု မရှိဘဲ ကွဲပြားကြောင်း ရေးသားခဲ့ဖူးတယ်။ အိမ်ထောင်ဘက်ရှိနေလျက်နဲ့ အခြားတစ်ယောက်နဲ့ လိင်ဆက်ဆံတာ အချစ်ကြောင့်မဟုတ်ဘူး၊တဏှာကြောင့်လို့ ဆိုပါတယ်။တဏှာစိတ်မှာ အရှိန်နဲ့ အချိန်ဆိုတာ ရှိပါတယ်။ ပြင်းထန်နေတဲ့အချိန်မှာ ကြီးမားတဲ့ အရှိန်အဟုန်နဲ့ ဘယ်သူ့ကိုမဆို နေနိုင်ကြတယ်။
ဒါပေမဲ့ အချိန်ကြာလာတာနဲ့အမျှ တဖြည်းဖြည်းလျော့ကျသွားတယ်။ အေးစက်သွားတယ်။ အချိန်ကာလ အကြာကြီး မဆွဲဆောင်ထားနိုင်ဘူး။ တဏှာစိတ်ဟာ သက်တမ်းရှိပါတယ်။ဒါကို ဖောက်ပြန်တဲ့သူအချို့က သိတယ်။နားလည်တယ်။ဒါကြောင့်တဏှာကြောင့် ဖောက်ပြန်နေပေမဲ့ လက်ထပ်ယူထားတဲ့ အိမ်ထောင်ဘက်ကိုမစွန့်လွှတ်နိုင်ကြတာ။ ဖောက်ပြန်ပေမဲ့ အိမ်ထောင်ဘက်ကို ကွာရှင်းခွင့်မပေးကြတာပါ။
အိမ်ထောင်ဘက်ကို ချစ်တဲ့ အချစ်စိတ်က တဏှာစိတ်ကို အခြေခံပြီးဖြစ်တာမဟုတ်ဘူး။ ရမက်ကို အခြေခံပြီးဖြစ်တာ မဟုတ်တဲ့အတွက် သက်တမ်းရှည်တယ်။ တစ်ယောက်ကိုတစ်ယောက် အပြန်အလှန် သံယောဇဉ်ပါတယ်။ ယုံကြည်လေးစားမှုပါတယ်။ တစ်ယောက်ကိုတစ်ယောက် မှီခိုမှုနဲ့ လိုအပ်မှုပါတယ်။ စိုးရိမ်စိတ်နဲ့ပူပင်မှု ပါတယ်။ချစ်ခြင်းသံယောဇဉ်အရ အိမ်ထောင်ဘက်ကို မပြတ်သားနိုင်သလို တဏှာစိတ်ကိုလည်း မထိန်းသိမ်းနိုင်တဲ့သူတွေက အိမ်ထောင်ဘက်ကိုကွာမပေးဘဲနဲ့ ဖောက်ပြန်တယ်။တစ်ယောက်ပြီး တစ်ယောက်၊တစ်ကြိမ်ပြီးတစ်ကြိမ်ဆိုတာ ဖြစ်နိုင်တယ်လို့ ရူဘင်က ဆိုပါတယ်
ကျွန်မအမြင်မှာတော့ တဏှာကြီးသူတွေက ဆင်ခြင်တုံတရားမဲ့တယ်၊ ဉာဏ်ရည် နိမ့်တယ်လို့ ယူဆသတ်မှတ်မိတယ်။သူတို့မှာ ရှက်ရမှန်းလည်း မသိ။ ကြောက်ရမှန်းလည်း မသိ။ငရဲဆိုတာလည်း မသိ။ လူ့ဂုဏ်သက္ခာမဲ့စွာနဲ့ အသက်ရှင်နေရမဲ့ အနာ၈တ်ကိုလည်း မသိ။ နောက်ဆုံး ကိုယ့်ရဲ့ တဏှာကြောင့် မိသားစုတစ် ပြိုကွဲရတယ် ဆိုတာကိုလည်း ဂရုမစိုက်နိုင်လောက်အောင် အသိတရားနဲ့ဆင်ခြင်တုံတရား မရှိတဲ့ အသိဉာဏ်မဲ့တဲ့သူ ဆိုတာလည်း ပေါ်လွင်စေပါတယ်။
ဒါ့အပြင် ဖောက်ပြန်တတ်တဲ့ တဏှာကြီးတဲ့သူကို ပိုင်ဆိုင်ထားရတဲ့ ဇနီး၊ ခင်ပွန်းတွေဟာ သူတို့ထက် ပိုပြီး ဉာဏ်ရည်နိမ့်တဲ့ ဆင်ခြင်တုံတရားနည်းပါးတဲ့ သူတွေကို ပိုင်ဆိုင်ထားရတဲ့အတွက် သူတို့ဟာ အိမ်ထောင်ရေးလောကဓံကို ပိုပြီး ခံကြရပါတယ်။ပိုပြီးတော့လည်း သည်းခံစိတ်ရှည်ကြရတယ်။ မကြာခဏ သူတို့ရဲ့ နောက်ကျောကို ဓါးနဲ့ ထိုးရုံတင်မကဘဲနဲ့ အသည်းနှလုံးကိုပါ ရက်ရက်စက်စက် နှင်းချေပစ်တဲ့ သူကို မိသားစု မပြိုကွဲရေးအတွက် သည်းခံစိတ်ရှည်ရတဲ့ ဒုက္ခက သေးမှ မသေးတာ။
သူတစ်ယောက်ရဲ့တဏှာကြီးမှုနဲ့ ဖောက်ပြန်မှုက အိမ်ထောင်ဘက်ရဲ့နှလုံးသားကို ဓါးထက်ထက်နဲ့ သွေးစိမ်းရှင်ရှင်ကျအောင် ထိခိုက်စေရုံသာမက အပြစ်မဲ့ရှာတဲ့ ရင်သွေးငယ်တွေကိုပါ ထိခိုက်စေတယ်။ မိဘရဲ့ ကောင်းမွေဆိုးမွေးမှန်သမျှ ရကြတဲ့ သားသမီးကို ထိခိုက်ကြပါတယ်။ အရှက်သည်းကြရပါတယ်။တဏှာကြီးသူတွေရဲ့မိသားစုဝင်တွေက ပတ်ဝန်းကျင်မှာ သူတို့ရဲ့အမှားမပါဘဲနဲ့ သူတို့ကိုယ်တိုင် ထိခိုက်နာကျင်ရတာ၊ အရှက်သည်းရတာ၊ မျက်နှာမဖော်ချင်လောက်အောင် ခံစားရတာကိုမြင်ရတယ်။
တစ်မိသားစုလုံး စိတ်ဒဏ်ရာတွေ ရနေပေမဲ့ တဏြှကြီးသူတွေက သူတို့စိတ်ကို မထိန်းနိုင်ကြပြန်ဘူး။ဒါပေမဲ့ အချို့ကတော့ ဖောက်ပြန်ခြင်းကို ထိန်းသိမ်းနိုင်အောင်ကြိုးစားရင်း တဏှာစိတ်ကို အာရုံပြောင်းပြီး ထိန်းတာတွေလည်း ရှိပါတယ်။စိတ်ဒဏ်ရာတွေနဲ့ ရှင်သန်နေရတဲ့ အိမ်ထောင်ရေး သောကတွေကနေ လွတ်မြောက်ရေးအတွက် တဏှာစိတ်ကို ထိန်းသိမ်းပါ၊၊ဘာသာရေးကိုပိုပြီး အာရုံပြုဖို့စိတ်အေးချမ်းအောင် တရားထိုင်ဖို့ တိုက်တွန်းလိုပါတယ်။
နောက်တစ်ချက်ကတော့ အိမ်ထောင်ဘက်က ဖောက်ပြန်တယ်ဆိုရင် သူ့ရဲ့မတရားမှု၊ ဖောက်ပြန်မှု၊ အကျဉ်းတန်မှုတွေကို လိုက်ပါ ခံစားမနေဘဲ၊ ရှက်လည်း မရှက်ပါနဲ့ ကိုယ်ရှက်စရာမဟုတ်ပါဘူး။ သူ့အကုသိုလ်နဲ့သူ သွားပါစေ။ရခဲလှတဲ့လူ့ဘဝမှာ ဒီလူတစ်ယောက်ကြောင့် နေ့စဉ်နဲ့အမျှ သောကနဲ့ ရှင်သန်နေရတယ်ဆိုရင်လည်း လူဖြစ်ရှုံးလှပါတယ်။ ဒါကြောင့်ကိုယ်က သံယောဇဉ် ဖြတ်နိုင်သမျှ ဖြတ်ပြီး ဥပက္ခာပြုနိုင်ရေးကိုပဲ ကြိုးစားပါလို့သာ ဆိုချင်ပါတယ်။ဥပက္ခာပြုတယ်ဆိုတာကလည်း သူနဲ့ပတ်သက်တဲ့ ကိုယ့်ရဲ့ခံစားချက်တွေကို လွှတ်ချလိုက်ခြင်းတစ်မျိုးပါပဲ။မကွာနိုင်ရင်တောင်မှ ဘာမှ မခံစားရတော့စေမဲ့ စိတ်ထဲနှလံးသားထဲကနေ လွှတ်ချသင့်တယ်လို့ လက်ခံနားလည်ပြီး လွှတ်ချဖို့အတွက်လည်း တိုက်တွန်းအားပေးလိုပါသေးတယ်။
မတူတဲ့ အမြင်များရှိရင်လည်း ဆွေးနွေးပေးဖို့ ဖိတ်ခေါ်ပါတယ်ရှင်
မေသင်္ကြန်ဟိန်း (မြစ်မခ)
