Local News

ဒီလိုယုတ်မာတဲ့ ဖခင်နဲ့ မိထွေးတွေလည်း လောကကြီးမှာ ရှိနေတယ်ဆိုတာ အံသြထိတ်လန့်စွာသိလိုက်ရလေတိုင်း ဝမ်းနည်းစွာ မျက်ရည်ကျမိပါတယ်

အသက် ၃၅ နှစ်အရွယ်ရှိတဲ့ ကလေး ၂ ယောက် အမေဟာ သူမကိုယ်သူမ မှန်ထဲ ပြန်ကြည့်လိုက်တယ်…။

သူမကိုယ်လုံးကိုယ်ပေါက်ဟာ အပျိုဘဝကလို မလှပနိုင်တော့…။

တဖြည်းဖြည်းတက်လာတဲ့အဆီတွေ ဘယ်လိုလုပ်ရပါ့…။

ကလေးနှစ်ယောက်အတွက် တာဝန်ကျေပွန်အောင်ပြုစုရင်း… ယောက်ျားကို ဟင်းကောင်းကောင်း ချက်ပြုတ်ပေးရင်း… အိမ်ကို အလှဆုံးဖြစ်အောင်ပြင်ဆင်ရင်း… အိအလှမပျက်အောင်မ်မှုရောသိပ်တော်တဲ့ အိမ်ရှင်မကောင်း မိခင်ကောင်းဖြစ်အောင်ကြိုးစားရင်း…

သူမကိုယ်သူမ ဂရုမစိုက်နိုင်ခဲ့….။

ဒီအားနည်းချက်တစ်ခုနဲ့ပဲ…သူမဘဝရဲ့ အဆိုးဆုံးနေ့တွေစ တင်ခဲ့ရတယ်….။

အသက် ၃၈ နှစ်ရှိပြီဖြစ်တဲ့ သူမရဲ့ ယောက်ျားက အွခားမိန်းမနဲ့ ဖောက်ပြန်တယ်။

ပထမတော့ ယောက်ျားက မိန်းမအသစ်နဲ့ သူမ မသိအောင် ချိန်းတွေ့တယ်။ ဖုန်းမက်ဆေ့ခ်ျတွေပို့တယ်…။

” မောင် အွခားမိန်းမနဲ့ဖောက်ပြန်နေသလား…”.. လို့မေးလိုက်တယ်။

ယောက်ျားက

” မင်းရုပ်မင်းပြန်ကြည့်ဦး .. ဖောက်ပြန်တဲ့ငါ အွပစ်လား..?” ..တဲ့….။

ဒီလို သူမပွင့်ပွင့်လင်းလင်း ဖွင့်မေးလိုက်တော့ ယောက်ျားက သူ့ရည်းစားနဲ့ ပွင့်ပွင့်လင်းလင်းတွဲတယ်…။

သူမကို ဂရုမစိုက် သူမအရှေ့မှာ ဖုန်းဆက်တယ်။

ကလေးနှစ်ယောက်မွေးပေးထားတဲ့ကလေးတို့မေမေကို လေးစားတန်ဖိုးထားတတ်တဲ့ ယောက်ျားတွေထဲ သူမယောက်ျားမပါခဲ့…။

ဆိုးတူ ကောင်းဖက် သစ္စာရှိရှိနေခဲ့တာတွေ ဘာတွေ…အရေးမပါတော့ဘူးလေ …။

ယောက်ျားဟာ အိမ်က အလှပက်ြလာတဲ့ အိမ်ကမိန်းမကို စွန့်ပစ်ချင်ပြီပေါ့….။

ရည်းစားထားလို့အားမရ အိမ်ထောင်ကှဲပေးဖို့ပြောလာတယ်။ သူမက ငြင်းတော့ ကိုယ်ထိလက်ရောက်စော်ကားလာတယ်။

သူမဟာ သမီးနဲ့သားလေး အမိမဲ့ အဖမဲ့ ဖြစ်မှာစိုးလို့ အကြိမ်ကြိမ် တောင်းပန် တယ်

ယောက်ျားက လက်မခံတော့ဘူး…။ သူမကို အမျိုးမျိုးခြိမ်းခြောက်ပြီးကွဲခိုင်းတယ်။ ဒီလိုနဲ့ သူတို့ နှစ်ဦး တရားရုံးကိုရောက်လာတယ်…။

သူမ နိုင်ငံက ဥပဒေတွေကိုလည်း သူေ။မ မုန်းခဲ့ပြီ…။ သူမ ယောက်ျား ကဝင်ငွေကောင်းတယ်လေ…။ တစ်လကို သိန်း ၅၀ ဝင်ငွေရှိတယ်။

ကလေးနှစ်ယောက်ကိုပြုစုနေလို့ အလုပ်ထွက်မလုပ်နိုင်တဲ့ သူမ….။ တရားဝင် ဝင်ငွေကမရှိ….။

အလုပ်လက်မဲ့ဆိုပြီး တရားသူကြီးက သူမကို ကလေးတွေ စောင့်ရှာက်ခွင့်မပေးခဲ့….။

သူမဟာ ရ ရာအလုပ်ဝင်လုပ်ပြီးကလေးတွေကိုကျွေးမွေးမယ်လို့ အကြိမ်ကြိမ်တောင်းပန်ရှာတယ်…။

ဒါပေမဲ့ အချည်းနှီးပါပဲ…။

ဒီလိုနဲ့ အမှုပြီးသွားတယ်။ယောက်ျားဟာ ကလေးတွေ ခေါ်သွားတယ်…။သူမ ဘဝပျက်သွားတယ်…။

ကလေးတွေက ယောက်ျားကခေါ်သွားတာချစ်လွန်းလို့တော့မဟုတ်ဘူး…။ သူမကို ကလေးစရိတ်ထောက်ပံရမှာစိုးလို့ လေ..။

လောကကြီးက သူမကို ရက်စက်ပေပြီ…။

အခုတော့….သူမဘဝ …သူမ နံဘေးမှာ တယောက်မှမရှိတော့ဘူး…။

သမီးလေးက သူမဆံပင်တွေကို လက်နဲ့ သပ်ပြီး နောက်ဆုံးပြောခဲ့တယ်။

“အမေ မငိုနဲ့နော်…”

သားလေးက“ဟုတ် တယ် အမေ ငိုရင် ခရစ်စမတ်ဘိုးဘိုးကြီးက အမေ့ကို လက်ဆောင်ပေးမှာမဟုတ်ဘူး…”

ခရစ်စမတ်ဘိုးဘိုးကြီးလက်ဆောင်လိုချင်လို့ မငိုပဲအားတင်းထားတဲ့သမီးနဲ့သားလေးကတော့ မျက်ရည်တွေနဲ့…။

ဟုတ်ပါတယ်…သူမ အနားမှာ ဘယ်သူမှမရှိတော့ပါဘူး…။

တရားသူကြီးက သူမနဲ့ကလေးတွေကို ၂ ပတ်တစ်ခါပဲ တွေ့ခွင့်ပေးပါတယ်..။

ယောက်ျားဟာ သူမကို ထပ်ပြီး ကောက်ကျစ် ယုတ်မာပြန် တယ်။

သူမနဲ့ကလေးတွေကို ပေးတွေ့ရတာ အလုပ်ရှုပ်လို့ သူမဖုန်းဆို မကိုင်တော့ပါဘူး။

အိမ်ကိုလည်းပြောင်းပစ်လိုက်တယ်။

ယောက်ျား ဘယ်မှာနေလဲဆိုတာလည်း သူမ မသိတော့ဘူး…။

သူမဟာ ကလေးတွေကိုလွမ်းတဲ့စိတ်နဲ့ ရူးမတတ်ခံစားနေရတယ်။

၂၀၁၃ ခုနှစ် ၈ လပိုင်း

မောင်နှစ်မနှစ်ယောက် ခံစားချက်လည်း မိခင်နဲ့ မခြားနားပါပဲ….

တစ်ကိုယ်ကောင်းဆန်တဲ့ ယောက်ျားကြောင့်ဘဝတွေ ပျက်ပြီ…။

ရှင်း ဝမ် ယောင်း ဆို( Shin Won Yong )ဆိုတဲ့ သားလေးက အသက် ၅ နှစ်အရွယ်ပဲရှိသေးတယ်…။သမီးလေးကတော့ အသက် ၈ နှစ်အရွယ်…။

မောင်နှမ နှစ်ယောက်ဟာ အဲဒီနေ့ကစပြီး မိထွေးနဲ့နေလိုက်ရတာပေါ့…။

မောင်နှမနှစ်ယောက်လုံးကို အဖေနဲ့ မိထွေးဟာစပြီးနှိပ်စက်တော့တယ်…။

သူတို့ နေ့တိုင်းအရိုက်ခံရတယ်လေ..။

၂၀၁၄ ခုနှစ် ၃ လပိုင်း

သူတို့ဟာ မောင်နှမနှစ်ယောက်ကို ကလေးစောင့်ရှောက်ရေးဌာနကိုပို့ပြီး စာသင်ခိုင်းတယ်။

အဲဒီမှာ ကလေးများပြုစုစောင့်ရှောက်ရေးက ကလေးတွေကို စာပြပေးရတဲ့ ဆရာမနဲ့ မောင်နှမနှစ်ယောက် စတွေ့ကြတာပေါ့…။

ပထမနေ့မှာပဲ ဆရာမက ထမင်းကျွေးတော့ ကလေးတွေဟာ ထမင်းခဏ ခဏ ထပ်တောင်းနေတာကြည့်ပြီး ဆရာမက အံသြနေခဲ့တယ်..။

နောက်နေ့တွေမှာ …ဆရာမကချော့မေးတော့ ကလေးနှစ်ယောက်က ဒီလိုပြောကြတယ်….။

“ဆရာမဆီလာရတာ သမီးတို့ အပျော်ဆုံးပါပဲ…။”

“သမီးတို့ အမြဲ ဗိုက်ဆာတယ်.. မိထွေးက ထမင်း မကျွေးဘူး ဆရာမ..။”

“သမီးထမင်းမချက်တတ်ဘူး။ မောင်လေးက ပိုဆိုးပေါ့..။”

“သမီးတို့ ဗိုက်ဆာတယ်ပြောရင် ဝရန်တာကို ထုတ်ပြီး တချိန်လုံးရပ်ခိုင်းတယ်..။”

ဒါတွေကြားရတဲ့ဆရာမဟာ ရင်တွေပူလာတယ်….။ အခုတစ်လော ကလေးနှိပ်စက် သတ်ပစ်တာတွေ ရုပ်မြင်သံကြား သတင်းတွေထဲမကြာခဏကြားနေရတယ်လေ။

“ဒီမောင်နှမကို တော့ ငါကယ်မှ..”လို့ ဆရာမ ဆုံးဖြတ်လိုက်တယ်။

“ကလေးတွေ အများကြီးထဲက ရှင်း ဝမ် ယောင်း ဆိုတဲ့ကလေးနဲ့ သူ့အစ်မကို စတွေ့ကတည်းက ကျွန်မ အလွနျ သနားမိတယ်…”

ဆရာမဟာ သနားစိတ်နဲ့ သူတို့ကို အခြားကလေးတွေထက်ကို ပိုပြီးချစ်မိသွားတယ်။

ဆရာမဟာ ရှင်းတို့မောင်နှမကို ကူညီချင်လို့ သူတို့ ကိုယ်ရေးကိုယ်တာမှတ်တမ်းကိုသက်ဆိုင်ရာက တောင်းကြည့်ခဲ့တယ်။

ကလေးတို့ရဲ့ အဖေနဲ့အမေဟာ တရားဝင်ကွာရှင်းခဲ့ကြတဲ့အကြောင်း..။ ရှင်းအဖေဟာ ကင်မ်ဆိုတဲ့ နောက်မိန်းမနဲ့ လက်ထပ်ထားခြင်းမရှိပေမဲ့ ရှင်းတို့မောင်နှမ ၂ ယောက်နဲ့ အတူတူနေထိုင်တဲ့အကြောင်း….။

“ကလေးရိုက်တဲ့ မိထွေးနဲ့ ကလေးတို့အဖေ မြန်မြန် ကွဲပါစေ..”

ဆရာမ ဆုတောင်းလိုက်တယ်။ဆုတောင်းရုံကလွဲပြီး…။

၂၀၁၄ ခုနှစ် ၇ လပိုင်း

ဆရာမ ဆုတောင်းမပြည့်…။

ရှင်းအဖေနဲ့ မိထွေးကင်မ်ဟာ တရားဝင်လက်ထပ်လိုက်ကြတယ်…။

ဆရာမကဒီလိုပြောတယ်။

“မောင်နှမ နှစ်ယောက်စလုံး ဆောင်းရာသီမှာ အင်္ကျီပါးပါးလေးတွေနဲ့ တုန်ရင်နေပြီး ကျောင်းကိုလာတယ်..။”

“အင်္ကျီတွေကလဲ ညစ်ပတ် နံစော်နေတာပဲ…။”

ရှင်းမောင်နှမ အမြဲပြောတဲ့စကား…

“ဗိုက်ဆာတယ် ဆရာမ….”

“အခြားကလေးတွေနဲ့ ရန်ဖြစ်ရင် ကောင်လေးရှင်းဟာ ငိုပဲငိုတယ်.. ဘာမှ ပြန်မပြောရဲ… ။ သတ္တိမရှိ…။”

တနေ့ ကလေးလေး ၂ ယောက်ဟာ ထီးမပါ မိုးရေထဲ အိမ်ပြန်သွားတယ်..။

ဆရာမ သည်းမခံနိုင်တော့ဘူး။သူ့မိဘတွေကို ဖုန်းခေါ်လိုက်တယ်..။မိထွေးကဖုန်းကိုင်တယ်..။

“ကလေးတွေက အမြဲပဲ ဗိုက်ဆာနေတယ်ရှင့်.. ထမင်း ဂရုစိုက်ကျွေးစေချင်တယ်။ ဒီနေ့လဲ ထီးမရှိလို့ မိုးရေထဲ လမ်းလျှောက်ပြန်သွားတယ်..။ ကလေးတွေကို ဂရုမစိုက်တာ အတော် တရားလွန်နေပြီ…”

ဆရာမ စိတ်ဆိုးဆိုးနဲ့ပြောလိုက်တယ်…။

“ကျွန်မလည်း ထီးအမြဲဝယ်ပေးနေတာပဲ.. ပျောက်တာ ဘယ်လို တတ်နိုင်မလဲ…?”

မိထွေးက ရှင်းအဖေကို ဘာတွေ တိုင်တန်းလိုက်လဲမသိ… ။ ရှင်းအဖေဟာ ဒေါသတကြီးနဲ့ ဆရာမဆီ ဖုန်းဆက်လာတယ်။

” ခင်ဗျားတို့တတွေ စကားပြောဆင်ခြင်ကြ.. ဒီကလေးကို သူ့အမေ အရင်းကတောင် ထမင်းမကျွေးတာ ကျွန်တော့် မိန်းမအသစ်စက်စက်က ဘာလို့ ကျွေးရမလဲဗျ… ”

“နောက်တစ်ခါ ကျွန်တော့်မိန်းမကို တစ်ခုခုထပ်ပြောရင် ခင်ဗျားတို့ မလွယ်ဘူးမှတ်…”

“ဟင်..?!?”

ဆရာမ ငိုချလိုက်ရမလိုဖြစ်သွားတယ်…။

“အဖေမှဟုတ်ရဲ့လား…? ရူးများနေသလား..?”

နောက်နေ့ကျတော့ သူတို့ကလေး ၂ ယောက်ကို ဆရာမဆီ မပို့တော့ဘူး…။

ဆရာမဟာ ကလေး ကျန်းမာရေးကို စစ်ဆေးဖို့လိုအပ်တယ်လို့ အကြောင်းပြပြီး ကလေးတွေကို တွေ့ဖို့ကြိုးစားပြန်တယ်။

ဆရာမနဲ့ အခြားဝန်ထမ်းတွေ သွားတဲ့အခါတိုင်း မိထွေးကတံခါးမဖွင့်ပေးဘူး။

စိုးရိမ်စိတ်နဲ့ ဆရာမဟာ နောက်ဆုံး ရဲစခန်းကို တိုင်လိုက်တော့တယ်။

“ကျုပ်ကလေးကို ကျုပ်တို့ ကျွေးမွေးနိုင်တယ်.. ခင်ဗျားတို့မလိုဘူး…ရဲတွေလဲမလိုဘူး”

အဲဒီနေ့က စပြီး ဆရာမတွေ ရှင်းတို့ မောင်နှမကို လုံးဝ တွေ့ဆုံခွင့်မရတော့ဘူး။

၂၀၁၅ ခုနှစ် ၄ လပိုင်း

အဖွားဖြစ်သူ (ရှင်း ဖခင်ရဲ့မိခင်) ဟာ သမီးအကြီးလေးကိုသနားလွန်းလို ခေါ်ထုတ်သွားတော့တယ်..။ သမီး မိန်းကလေးဆိုတော့ စိုးရိမ်တာလည်းပါတာပေါ့…။

မောင်နှမနှစ်ယောက်လုံးကို တာဝန်ယူဖို့ကျတော့ အဖွားခင်မျာ မတတ်နိုင်…။

သားလေး ရှင်း တစ်ယောက်ထဲ အဲဒီအိမ်မှာ မျက်နှာငယ်ငယ် ကျန်ရစ်ခဲ့ရတယ်…။

ဆရာမတွေဟာ ရှင်းအတွက် အခုမှ ပိုပြီး စိုးရိမ်သောကရောက်ရတော့တယ်။

ဥပဒေအရ မိဘခွင့်ပြုချက်မရရင် ကလေးကို အတင်းစောင့်ရှောက်လို့မရပါဘူး။ ဖခင်နဲ့မိထွေးဟာ ကလေးကို ကလေးစောင့်ရှောက်ရေးအဖွဲ့အစည်းက ထုတ်ပစ်လိုက်ပြီလေ…။

ဆရာမဟာ ရှင်းအိမ်နားကို မယောင်မလည်သွားပြီး တွေ့ရလေမလား ကြည့်ရတာအမော…။

ရက်တွေသာကြာလာတယ်…အရိပ်အယောင်တောင်မတွေ့ရ…။

ဆရာမအသစ်တစ်ယောက်ကို မိထွေးဆီဖုန်းထပ်ဆက်ခိုင်းတယ်..။

“ကျွန်မ ရှင်းအတွက် စာအုပ်လက်ဆောင်ပေးချင်လို့ပါ…”

မိထွေးပြောတဲ့စကားက …

“ကျေးဇူး…တိုက်ခန်း အစောင့်ကိုပေးထားခဲ့ပါ..”

ဆရာမက ဖုန်းထပ်ဆက်တော့ မိထွေးဆီက ဖုန်းမက်ဆေ့ခ်ျပို့လာတယ်။

” ကလေးကို ဂရုစိုက်တာ ကျေးဇူးတင်ပေမယ့် အပိုတွေ သရုပ်ဆောင်ပြနေတာ မလွန်လွန်းဘူးလားရှင့်…? ကလေး မွေးစားချင်ရင် တရားဝင်လာတောင်းပေါ့ရှင်..”…တဲ့…။

ရှင်းရဲ့မိခင်ကလည်း ဒီလို ရှင်း တစ်ယောက်ထဲ မိထွေးအိမ်မှာကျန်ရစ်တယ်ဆိုတာ သတင်းကြားလို့ အဖွားကတဆင့် စာပို့ရှာတယ်…။

“သားလေးကို ပြန်ပေးကြပါရှင်…တောင်းပန်ပါတယ်….”

ဒါပေမဲ့ ဖခင်နဲ့ မိထွေးက စာမပြန်….။

၂၀၁၆ ခုနှစ် ၁ လပိုင်း ၇ ရက်နေ့

ရှင်း အသက် ၇ နှစ်…မူလတန်းကျောင်းသားလေးဖြစ်လာတော့မယ်…။

ဖခင်က ရှင်း ကို ကျောင်းလာမအပ်….။ ဆရာမတွေဟာ ဖခင်ကို ဖုန်းဆက် မေးမြန်းကြတယ်….။

“ဪ… ကျွန်တော်တို့ တပတ်အကြာ အိမ်ပြောင်းမလို့ ဗျ…”

၂၀၁၆ ခုနှစ် ၃ လပိုင်း ၁ ရက်နေ့

ဆရာမတွေဟာ စောင့်ကြည့်နေကြတာပေါ့…။ နှစ်လအကြာ ကလေးငယ်ရှင်းကို ဘယ်ကျောင်းကိုမှ လာမအပ်တဲ့အခါ ပညာရေး အဖွဲ့အစည်းကနေ မင်္သကာဖြစ်ပြီး ရဲတပ်ဖွဲ့ကို အကြောင်းကြားလိုက်ကြတယ်…။

အဲဒီတော့ ရဲတပ်ဖွဲ့ဝင်တွေ ရောက်လာကြပြီး မိထွေးနဲ့ဖခင်ဖြစ်သူကို စစ်ဆေးကြတာပေါ့…။

အဲဒီတော့ မိထွေးက ဒီလိုပြောတယ်…

” အမှန်တော့….၂ လပိုင်း ၁၁ ရက်နေ့ထင်တယ် ..ကျွန်မ ယောက်ျားနဲ့ စကားများတယ်…။ ကျွန်မ သူ့ကလေးကို လမ်းပေါ်မှာတယောက်ထဲထားပစ်ခဲ့ပြီး ပြန်လာခဲ့ပါတယ်..ဘယ်ရောက်သွားမှန်းမသိတော့ဘူး ”

“ဗျာ..? ကလေးပျောက်တာ အရက် ၂၀ လောက်ရှိနေပြီ ပြန်မရှာကြဘူးလား..ရက်စက်ပါပေ့..”

ရဲထောက်လှမ်းရေးတွေက CCTVကို စစ်ဆေးကြတယ်။ မိထွေးနဲ့ ကလေးငယ်ရှင်း အပြင်ထွက်တာ မတွေ့ရ… CCTV မရှိတဲ့လမ်းတွေပဲ ရွေးသွားကြတာလား… မသင်္ကာစရာ…။

သူတို့ တစ်ခုခုတော့ လိမ်နေပြီ….။

ဖခင်ကတော့ ဒီလိုပြောတယ်…။

“ကလေးအိမ်မှာ မရှိဘူးဆိုတာ ကျုပ် သတိတောင်မထားမိဘူး.. အလုပ်များလို့ဗျာ..”…တဲ့..။

ရဲတပ်ဖွဲ့က လူပျောက်ကြော်ငြာထုတ်တော့တယ်…။ ကလေးငယ်ရှင်းကို အပူတပြင်းရှာဖွေကြတာပေါ့…။

အိမ်အနီးအနား တဝိုက်က ချောင်းထဲ… တောင်ကုန်းတွေ.. နေရာအနှံ့ ပိုက်စိတ်တိုက်ရှာကြတယ်။

၂၀၁၆ ခုနှစ် ၃ လပိုင်း ၁၀ ရက်နေ့

တောင်ကိုရီးယား – ဖျောင်းတက်( South Korea – Pyeong Taek )အလွန်အေးလှတဲ့ ဆောင်းရာသီအချိန်…။

အသက် ၇ နှစ်အရွယ် ကလေးငယ်လေးတစ်ယောက် အေးစိမ့်လှသော မြေကြီး ထဲမှာ အဝတ်မပါ သေဆုံးနေလေရော….။

အဲဒီကလေးလေးဟာ အရပ် ၁၂၁ စင်တီမီတာ၊ကိုယ်အလေးချိန် ၁၅ ကီလိုဂရမ်ရှိတဲ့ အရိုးပေါ်အရေတင် ရှင်း ဝမ် ယောင်းလေးပေါ့…။

အဲဒီဖက် နယ်မြေက ရဲတွေက ဒီကလေးကို ‘ရှင်း’ မှန်းမသိကြသေးဘူး…။

ကလေးငယ်တစ်ယောက် တွေ့ရပြီး မြေအမြုပ်ခံရတာ တစ်လရှိပြီလို့ ပညာရှင်တွေက ခန့်မှန်းကြတယ်။

ရဲထောက်လှမ်းရေးတွေက အလောင်းကို ဓာတ်ခွဲခန်း ပို့လိုက်တယ်…။

ကလေးငယ်လေးရဲ့ကိုယ်ခန္ဓာတစ်ခုလုံး အညို အမည်းစွဲနေရှာတယ်…။

ဦးခေါင်းပိုင်းမှာ အရေခွံတွေ ပျက်စီး စုတ်ပြဲနေတယ်…အဲဒီ အရေခွံအပိုင်းအား စစ်ဆေးလိုက်တော့ အစွန်းချွတ်ဆေးအပြင်းစားတစ်မျိုး ကြောင့် အသားအရည် လာင်ကျွမ်းနေတာဖြစ်ကြောင်း တွေ့ရတယ်။

နဖူးမှာလည်း ပေါက်ပြဲ ဒါဏ်ရာ တစ်ခုရထားသေးတယ်…။

ကလေးလေးရဲ့ အစာအိမ်ထဲတွင် အစာ တစ်စက်မှမရှိ…။ ကလေးငယ်ဟာ အရိုးပေါ် အရေတင်နေတယ်..။

ကလေးငယ်ရဲ့ နံရိုးတစ်ချောင်းလည်းကျိုးနေရာက အနည်းငယ်ပြန်ဆက်စပြုနေတယ်။

ထောက်လှမ်းရေးတွေဟာ “ကလေးအလောင်း တစ်လောင်း တောင်ပေါ်မှာတွေ့ရကြောင်း… မည်သူမည်ဝါ မသိရသေးကြောင်း..” သတင်းတွေမှာ ကြေငြာလိုက်တယ်။

အဲဒီသတင်းကို TV မှာ ရှင်းအဖေကတွေ့တော့ အတော့်ကို တုန်လှုပ်ခြောက်ခြားသွားတာပေါ့…။

ရှင်းရဲ့အဖေဟာ သူ့မိန်းမကိုပြောလိုက်တယ်…။

“သွားပြီ… သူတို့တွေ့သွားပြီ…လာမဖမ်းခင် အပြစ်ဝန်ခံရင် အပြစ်လျှော့တယ်ကြားတယ်အချစ်ရေ… မောင် ရဲစခန်းကို ဖုန်း ဆက်မှ….”

မိထွေးဟာ ရှင်းဖခင်ကို အားကိုးတကြီး ကြည့်နေတာပေါ့…။

“ကျွန်မ အဖမ်းခံရတော့မယ်..”

“မောင့်အပြစ်လွဲချ… စိတ်မပူနဲ့…”

” ကျွန်တော် ရှင်း ဝမ် ယောင်း ကိုသတ်ပြီးမြေမြှုတ်ခဲ့ကြောင်း ဝန်ခံပါတယ်…” ဖခင်ဟာ ရဲစခန်းကိုဖုန်းဆက်လိုက်တယ်။

” ရှင်း ဝမ် ယောင်း နဲ့ ခင်ဗျား ဘယ်လိုတော်စပ်ပါသလဲ ခင်ဗျာ..?”

“သူ့ အဖေပါ…”

၂၀၁၆ ခုနှစ် ၁ လပိုင်း နဲ့ ၂ လပိုင်း CCTVတွေကိုပါ အသေးစိတ်စစ်ဆေးကြတော့ ဖခင်နဲ့ မိထွေးဟာ အထုတ်ကြီးတစ်ထုတ်ကို ကားပေါ်ကိုတင်ပြီး ကလေးမြေမြုတ်ထားတဲ့ တောင်ကုန်းဖက်ခရီးထွက်သွားသည်ကို စစ်ဆေးတွေ့ရှိရတယ်…။

ဒါဟာ ထောက်လှမ်းရေးအတွက် သက်သေဖြစ်ခဲ့တယ်..။

ရဲထောက်လှမ်းရေးတွေ မေးမြန်း စစ်ဆေးကြလို့ ဇတ်လမ်းအမှန်သိတော့တယ်။ ကလေးငယ်လေးရှင်း အဖြစ်က တကယ့်ကို ဆိုးလှပါတယ်….။

ရှင်း ဖခင်က အစကတည်းကိုက ကလေးစရိတ်မပေးချင်လို့ ကလေးတွေကိုခေါ်လာခဲ့တာလေ….။

ရှင်းအစ်မကို အဖွားဖြစ်သူက ထိန်းသိမ်းစောင့်ရှောက်လိုက်တဲ့အခါ ရှင်းဟာ တကယ့်ကို ကူကယ်ရာမဲ့ဖြစ်ခဲ့တာပေါ့…။

အားကိုးစရာ ဖခင်ကလည်း မိထွေးမျက်နှာကို အရိပ်တကြည့်ကြည့်..။

ဆာလောင်နေတဲ့ ကလေးဟာ အမြဲ အရိုက်ခံရတယ်။ ထမင်း တစ်လုပ်စားရတဲ့အချိန်ဟာ ကလေးငယ်ရှင်းဘဝရဲ့ အပျော်ဆုံးအချိန်ပါပဲ….။

၂၀၁၅ ခုနှစ် ၁၁ ပိုင်း ဆောင်းရာသီကစပြီး မိထွေးဟာ ရှင်းကို ရေချိုးခန်းထဲမှာ ထမင်းမကျွေးပဲ ၂၄ နာရီပိတ်ထားလိုက်တယ်။

ကလေးငယ်ရှင်းကို ဒီလိုမျက်စိအရှေ့မှာ မမြင်ရတော့ သူမအလွန် နစ်မြောနေတဲ့ ဟန်းဖုန်းဂိမ်းကို လွတ်လွတ်လပ်လပ် ကစားလို့ရပါလားဆိုပြီး အဲဒီ အရသာကို သိသွားတယ်။

၂၄ နာရီပြည့်ရင် ရေချိုးခန်းတံခါးကိုဖွင့် ထမင်းနည်းနည်းထည့်ထားတဲ့ ခွက်ကို တိရိစ္ဆာန်အစာကျွေးသလိုရေချိုးခန်းအထဲ ပစ်ထည့်ပေးတယ်….။

တစ်ခါတစ်လေ အပြင်ထွက်ခွင့်ရတယ်။ အမှားတစ်ခုလုပ်တာနဲ့ “အထဲပြန်ဝင်”..ပဲ…။

ဒီလိုနဲ့ ရေချိုးခန်းထဲ ပိတ်ပြီး ကလေးငယ်လေးကို ထောင်ချထားလိုက်တာ ၃ လတိတိ…။

“ခင်ဗျားတို့ဘာလို့ကလေးကို ဒီလိုလုပ်ခဲ့တာလဲ…”… ရဲထောက်လှမ်းရေးတွေက မေးတယ်…။

သူတို့ အဖြေက …”အိမ်သာခွက်ထဲ သေးမပေါက်တတ်လို့ အပြစ်ပေးတာပါ…” ..တဲ့

ဒီလိုနဲ့ရှင်းရဲ့ ကျန်းမာရေးဟာ တစ်နေ့ တစ်ခြား ပိုပြီးဆိုးလာတယ်…။

သူတို့အိမ်သာတက်တဲ့အခါ ကလေးကို နံရံမှာဖက်ကို မျက်နှာလှည့်ရပ်စေပြီး ကလေးငယ်ရှင်းကို မျက်နှာလွှဲခိုင်းထားကြတယ်…။

ရှင်း မသေဆုံးခင် ရက်အနည်းငယ်ကပေါ့…ကလေးငယ်ရှင်းဟာ ရေချိုးခန်းအပြင်မှာ ခဏနေခဲ့ရသေးတယ်။

ကျမ်းမာရေးမကောင်းတော့တဲ့ ကလေးဟာ ဆီးသွားရင်း ဆီးမနိုင်… ဆီးတွေဟာအိမ်သာခွက်အပြင်ဖက်ကို အနည်းငယ်ထွက်သွားပြန်ပါလေရော…။

မိထွေးက ဒါကို အပြစ်ရှာပြီ…။ရှင်း ရေချိုးခန်းထဲထည့်ပိတ်ထားလိုက်ပြန် တယ်။

ရေချိုးခန်းထဲပြန်ဝင်ရမှာကို သေမလောက် ကြောက်လန့်နေရှာတဲ့ ကလေးငယ်ရှင်းဟာ အကြိမ်ကြိမ်တောင်းပန် တယ်…။

ဒီတစ်ခါ ကလေးလေးဟာ အတော် အားနည်းနေပြီ….။ ဆောင်းရာသီရဲ့ ချမ်းအေးမှုကို အေးစက်လှတဲ့ရေချိုးခန်းထဲမှာ ခုခံဖို့ အားမရှိတော့…။

ကလေးလေးဟာ ချမ်းလွန်းလို့ အပြင်ထွက် ခငျြလို့ တံခါးအဝမှာ ပြူတစ် ပြူတစ်လုပ်တယ်… ဒါကို အဖေက တွေ့ရာနဲ့ ပစ်ပေါက်ရိုက်နှက်ပြီး အထဲပြန်ဝင်ခိုင်းတယ်…။

အဖေပစ်ပေါက်တဲ့ ပစ္စည်းတစ်ခုဟာ ကလေးငယ်ရှင်းရဲ့ဦးခေါင်းကိုထိသွားတယ်။

ကလေးဟာ လဲကျသွားပြီး အိမ်သာစောင်းနဲ့ နဖူးနဲ့ဆောင့်မိသွားတယ်။ နဖူးကွဲပြီး သွေးတွေကျလာတယ်…။

ဒါကို မကျေနပ်နိုင်တဲ့ မိထွေးက ကလေးငယ်ကို ဒူးတုတ်ခိုင်းလိုက်တယ်…။

မိထွေးဟာ ရှင်းရဲ့ ဦးခေါင်းပေါ်သို့ အစွန်းချွတ်ဆေးရည် အပြင်းစားလောင်းချခဲ့ပြီး…

“ဆေးထည့်ပေးတာလေ …မှတ်ပြီလား”…တဲ့..။

ကလေးငယ်လေးရှင်းရဲ့ ဦးခေါင်း၊ မျက်နှာ အရေခွံတွေ စုတ်ပြဲကုန်တယ်။

နောက်ဆုံးအကြိမ် ဖခင်ဖြစ်သူ အိမ်သာတက် ဖို့ ဝင်သွားတဲ့အခါ ကလေးငယ်လေး ရှင်းဟာ အသက်ငင်နေရှာတယ်..။

“အမေ…အမေ…”သားလေးရှင်းဟာ တစ်ကိုယ်လုံးတုန်ရင်ပြီးအသံတိုးတိုးလေးနဲ့ အမေကို တမ်းတနေရှာတယ်…။

ဖခင်ဖြစ်သူ လန့်သွားတယ်…။

“မိန်းမရေ.. ဆေးရုံပို့မှဖြစ်မယ်…”

“ဘယ်ဖြစ်မလဲရှင့်.. ကျွန်မတို့ နှိပ်စက်ထားတာတွေ ပေါ်ကုန်မှာပေါ့..”

၂၀၁၆ ခုနှစ် ၂ လပိုင်း ၁ ရက်နေ့

အသက်ငင်နေသော ကလေးငယ်ရှင်းကို ကြည့်ပြီး မိထွေးက ဒီလိုတွေးတယ်။

“တကယ်လို့များ ဆေးရုံတက်ရရင် အစွန်းချွတ်ဆေးရည်တွေ ကလေးခေါင်းမှာတွေ့လို့မဖြစ်ဘူး”

မိထွေးဟာ ကလေးကို ရေအေးထဲမှာ ၂၃ နာရီလောက် စိမ်ထားလိုက်ပြန်တယ်။

အလွန်အေးတဲ့ ဆောင်းရာသီဖြစ်တာမို့ ကလေးလေးဟာ ရေခဲရိုက်ပြီးသားဖြစ်သွားတော့တယ်…။

ကလေးငယ်လေး ရှင်း နှလုံးခုန်ရပ်ပြီး သေဆုံးသွားတယ်။

သူတို့ ကလေး အလောင်းကို စောင်နဲ့ပတ်ပြီး အဝတ်လျှော်စက်ထဲထည့်ထားလိုက်ကြတယ်။

၂ ရက်လောက်ကြာတော့ ရှင်းရဲ့အဖိုးအုပ်ဂူရှိတဲ့ တောင်ပေါ်မှာ မြုပ်လိုက်ကြတယ်..။

လူသားမဆန်တဲ့ အဲဒီလင်မယားဟာ ကလေးသေဆုံးတဲ့နေ့မှာ ဝက်ခြေထောက်ပေါင်းကိုတောင် မှာယူစားသောက်ခဲ့ကြသေးတာပေါ့…။

ပြီးတော့ အဲဒီနေ့က သူတို့ ဖုန်းဂိမ်းအသစ်တွေကို ငွေပေးဝယ်ယူပြီး လွတ်လွတ်လပ်လပ် အပူအပင်ကင်းမဲ့စွာနဲ့ ဂိမ်းကစားနေခဲ့ကြတယ်လေ…။

ရှင်းရဲ့ ဖခင်ဖြစ်သူဟာ တစ်လမှာ သိန်း ၅၀ လခကောင်းကောင်းရသော သူတစ်ယောက်ဖြစ်ပေမဲ့ မိထွေးက အသုံးကြမ်းတယ်…။

မိထွေးရဲ့ ၇ လအတွင်း ဟန်းဖုန်းဂိမ်းအတွက် ပဲ သုံးတဲ့ငွေက သိန်း ၆၀၀ ဖြစ်တယ်…။

မိထွေးဟာ ဂိမ်းကလွဲပြီး ဘာကိုမှ ဂရုမစိုက်တဲ့မိန်းမပေါ့…။

ဒီလို ငွေတွေသုံးခဲ့ပေမဲ့ ကလေးငယ် ရှင်းကိုတော့ ထမင်းတစ်လုပ်ကျွေးဖို့ နှမြောတွန့်တိုခဲ့တဲ့ မိထွေး…။

သူတို့လင်မယားနှစ်ယောက်ဟာ အဲဒီ ငွေတွေကို ဂိမ်းနဲ့အရက် အတွက်ပဲ အများဆုံးအသုံးပြုခဲ့ကြတာကိုတွေ့ရတယ်…။

၂၀၁၆ ခုနှစ် ၂ လပိုင်း ၃ ရက်နေ့ သူတို့ဖုန်းမက်ဆေ့ခ်ျတွေကို စစ်ကြည့်လိုက်တော့…

ဖခင်-” အချစ်လေး.. ထမင်းစားပြီးပြီလား?”မိထွေး-” ဟုတ်ကဲ့- သားလေးရှင်း နဲ့အတူ ခေါက်ဆွဲမှာစားလိုက်တယ်..”ဖခင်-” သားလေး နေကောင်းတယ်ဟုတ်”မိထွေး- ” ထမင်းကျွေး သွားတိုက်ပေးပြီးပြီ”

သူတို့ ဖုန်းမက်ဆေ့ခ်ျတွေဖြစ်တယ်…။

သူတို့ဟာ ကလေးငယ်ရှင်းကို သတ်လိုက်ပြီး ပြဿနာတက်မှာစိုးလို့ အသက်ရှင်နေသလို ဖုန်းမက်ဆေ့ခ်ျတွေပို့ အလီဘိုင် လုပ်ထားကြတာပေါ့…။

အိမ်နားက ဈေးဆိုင်တွေမှာ ဈေးသွားဝယ်ရင်လည်း မိထွေးက ကလေးငယ်ရှင်းထံ ဖုန်းဆက်ချင်ယောင်ဆောင်တယ်။

အသံကျယ်ကျယ်နဲ့

“သား ဘာစားချင်လဲ သားလေး .. အမေ ဝယ်ခဲ့မယ်လေ..”

ကလေးငယ်လေး ရှင်း သေဆုံးပြီး ၄ ရက်အကြာ..

ဖခင်ဖြစ်သူနဲ့မိထွေးတို့ဟာ ရှင်းမရှိတော့တာကြောင့် ကိုယ်ဝန်ဆောင်ကလေးယူရန် ဆေးရုံသို့သွားရောက်ပြသခဲ့တာကို စစ်ဆေးတွေ့ခဲ့ရတယ်..။

ရှင်းသေသွားတာကို ဝမ်းနည်းဖို့နေနေသာသာ… ဘဝအသစ် မိသားစုအသစ်အတွက် စိတ်အားထက်သန်နေကြတာပေါ့…။

တရားခွင်မှာ ဖခင်ပြောခဲ့တဲ့ စကားကတော့….

“ကျွန်တော်က ကလေးတွေကို ဦးစားပေးရင် မိထွေးက မုန်းပြီး ကျွန်တော်မရှိတုန်း နှိပ်စက်မှာစိုးလို့ ကလေးတွေကို တမင်သက်သက် ရိုက်နှက်ပြခဲ့တာပါ..”

သူ့ဘဝမှာ မိန်းမတယောက်ဟာ ရင်သွေးတွေထက် အရေးကြီးခဲ့တယ်…။

သားလေး ရှင်းဟာ ဖခင်၊ မိထွေးရဲ့ အနှိပ်စက်ကို ၂ နှစ်ကျော်ခံခဲ့ရတယ်။ ဘယ်လိုဘယ်ပုံ ဘယ်လိုနည်းနဲ့အနှိပ်စက်ခံရတယ်ဆိုတာတော့ သေသွားရှာတဲ့ သားလေးရှင်းက အသေးစိတ်မပြောပြနိုင်တော့ဘူးပေါ့…။

ရသမျှသက်သေနဲ့ ထောက်လှမ်းရေးတွေဟာ သူတို့လင်မယားကို သေတဲ့အထိထောင်ထဲမှာနေစေဖို့ တရားသူကြီးဆီ တင်ပြကြတော့တယ်…။

၂၀၁၆ ၈ လပိုင်း ၁၁ ရက်နေ့

တရားသူကြီးဟာ မိထွေးကို အလုပ်ကြမ်းနဲ့ ထောင် အနှစ် ၂၀ …

ဖခင်ကို အလုပ်ကြမ်းနဲ့ ၁၅ နှစ် ထောင်ချလိုက်တယ်။

ပြည်သူတွေက ဒီလိုလူယုတ်မာတွေကို အပြစ်ပေးတာ နည်းလို့ ဆူပူဆန္ဒပြကြတယ်… ရဲထောက်လှမ်းရေးတွေက အွမင့်ဆုံးခုံရုံးအထိတက်ပြီး မသေမချင်းထောင်ချဖို့ တောင်းဆိုကြတယ်…။

ဒါပေမဲ့…မိထွေးကို အလုပ်ကြမ်းနဲ့ ထောင်ဒါဏ် ၂၇နှစ်

ဖခင်ကိုတော့ အလုပ်ကြမ်းနဲ့ ၁၇ နှစ်အထိ ပဲထောင်ချလိုက်နိုင်တယ်။

ဆရာမကတော့ စိတ် ထိခိုက်လွန်းလို့ အလုပ်နားလိုက်ရတယ်။

ဆရာမဟာ တစ်ယောက်တည်းငိုနေလေ့ရှိတယ်…။

“ဒီနိုင်ငံမှာ ဆရာမတစ်ယောက်အနေနဲ့ လုပ်နိုင်တာဆိုလို့ ဘာမှမရှိသလောက်ပါလား…”

သားလေးရှင်းပြောခဲ့စကားလေးတခွန်း ဆရာမ မမေ့နိုင်ဘူး…။

” ဆရာမ… သားသား ဆရာမကို အကာသလွင်ပြင်ကြီးလောက်ချစ်တယ်…”…တဲ့လား…။

“သားရယ်… ကောင်းရာသုဂတိလားပါစေလို့ ဆရာမ ဆုတောင်းလိုက်ပါတယ်…။”

သမီးလေးက သူ့ အမေဆီရေးထားတဲ့ စာလေးတစ်စောင်ကို ရဲထောက်လှမ်းရေးတွေက မိထွေးရဲ့ ဗီရိုထဲမှာရှာတွေ့လို့ အမေကို ပေးအပ်ခဲ့တယ်…။

မိခင်ဟာ အဲဒီစာကို ဖတ်ပြီး မေ့မြောလဲကျသွားတော့တယ်…။

” အမေ”

မောင်လေးက အမေ့ကိုစာရေးပါဆိုလို့ ရေးနေတာပါ…။သမီးတို့ မောင်နှမ အမေ့ကိုချစ်တယ်။အမေနေကောင်းတယ်မဟုတ်လား..?မောင်လေးက အမေ့ကို သိပ်သတိရနေတယ်။ အမေ့ကို ခဏခဏမေးတယ်…။

သမီးတို့ အမေ့ကို လွမ်းတယ်..။အခု အမေအသစ်က အိမ်ပေါ်လာပြီးသမီးတို့နဲ့ အတူတူနေတယ်။သမီးတို့ကို စကားတစ်ခွန်းမှ မပြောရဘူးတဲ့ …။ သမီးတို့ မောင်နှမ စကားပြောခွင့်မရှိဘူး။ သမီးတို့ကို အခန်းထဲပိတ် ထားတယ်။

တနေ့ကို ထမင်းလိပ်တစ်လိပ်ပဲကျွေးတယ်။ဒါပေမယ့် အမေ စိတ်မပူပါနဲ့ ..။

သမီးတို့ အေးအေးဆေးဆေး ပျော်ပျော်ရွှင်ရွှင်နေပါမယ်…။

အမေ မငိုနဲ့နော်….။

အမေ့ကိုချစ်တဲ့

(သမီးတို့ မောင်နှမ)

ဖခင်တိုင်း ဒီလို တာဝန်မဲ့ ယုတ်မာတာမဟုတ်ပေမဲ့….၊

မိထွေးတိုင်း ဒီလို မိန်းမယုတ် မဟုတ်ပေမဲ့…..၊

ဒီလိုယုတ်မာတဲ့ ဖခင်နဲ့ မိထွေးတွေလည်း လောကကြီးမှာ ရှိနေတယ်ဆိုတာ အံသြထိတ်လန့်စွာသိလိုက်ရလေတိုင်း ဝမ်းနည်းစွာ မျက်ရည်ကျမိပါတယ်……။

မရွှေမိုး (ကိုရီးယား